湘蜀人家

營業中

休息中

環境5分：中菜館九成做哂卡位最好坐，裝修古色古香，好有風味，環境可以畀五分。衛生5分：碗碟印住中國味道，食落都好正宗，枱面張張都有枱布，衛生一樣畀五分。服務5分： 服務員爽手唔囉唆，上菜快，態度好，滿分。味道5分：1)    常德大盤花菜入面有肉有唐芹，D福菜好脆好嫩，辣辣地都仲食到佢好甜。2)    紅油抄手一碟有半打，皮薄餡嫩，食落仲超級滑，辣得好香。3)    食辣除左要白飯，送啤酒一樣咁鬼正。4)    京蔥爆牛肉D牛肉非常滑，切得夠薄身，用得夠多蔥去炒，少辣但好惹味。5)    賽螃蟹非常新鮮清甜。抵食5分：平均每人三百幾蚊有菜有肉有飯有餃有啤酒，抵食絕對值五分。