七里湘 (已結業)

湘菜定川菜？本人愛食辣，所以每次聽到有好食既川菜館都積極去嘗試。湘菜都系愛辣人士之選，上次試左書湘門第，今次就試下呢間灣仔新開既湘菜。由於來之前已經“研究”過其他人既食評，見到有d菜睇落唔錯，想點，但睇下menu，好多野都無既？！but我地發現好多四川菜式，鑒於今次系食湖南菜，儘管我最愛川菜，都唔點，下次先試！首先，必點既鴛鴦魚頭：鱼头大個，但肉唔算好多，鴛鴦辣椒好味，太唔會太辣啦！酸豆角圓粉：圓粉類似米粉，但texture更彈牙，好似唔會煮爛既feel。呢個粉系openrice見到人食所以先叫既，menu無，於是問waiter，但結果都唔一樣既，唔知點解人地既圓粉有牛肉片，但我地食就變左免治豬肉粒？賣相即刻downgrade。孜然鐵板牛肉，好嫩滑，味道唔錯，唔辣，但孜然粉唔夠多！砂鍋山藥：香港好少地方煮呢個新鮮淮山，據聞淮山系健康食物，所以就試下。淮山個texture唔系人人都鐘意，但我個人好愛，不過呢個淮山唔夠味，好清淡，得2塊辣椒但又1d都唔辣咯！