森．湯咖哩 (已結業)

咖喱食得多，湯咖喱都係第一次～ 小店位於觀塘，主打多款配搭嘅日式湯咖喱，除此之外亦有小食同甜品，店內唔大，裝修簡約，價錢親民，幾推介大家過嚟食lunch！湯咖哩食用方法十分簡單，先飲一口湯，再將飯沾上咖喱食，千其唔好將飯倒入湯咖喱！咖喱味香濃，味道啱啱好，唔算好油，飲落亦唔會覺得口乾～ 主食要咗北帆立貝同帶子，香煎烹飪，咬落彈牙，感覺新鮮，配料五顏六色，食材豐富，有齊炸南瓜、茄子、秋葵、薯仔、粟米、紅椒、番茄、紅蘿蔔、蘑菇、最喜歡西蘭花因為夠入味！小食款式眾多，芝士年糕、吉列蠔、吉列蝦（2隻、魷魚卷、野菜魚餅等，全部炸至酥脆可口，少油但都可以接受，建議一定要沾埋落咖喱度食，味道層次大大提升😂