味之時計台 (已結業)

見到網上各大平台強烈推薦，又係日本過江龍，今日經過旺角當然要黎試試。有多款湯底可以選擇，今日唔想食太濃味，就選左鹽味拉麵。賣相都唔錯，不過溏心蛋就唔太靚仔，入面有三分之一已經係全熟。除左叉燒同溏心蛋，仲有好多蔬菜做配料。湯底其實都幾濃，偏咸，我覺得都幾有驚喜，10分滿分都有6.5分，不過又唔算特別好食。麵條係曲麵，好彈牙，但份量不多。但叉燒真係非常一般，口感勁鞋，又欠調味，食一啖已經唔想食，幾大塊都無用。感覺拉麵整得有啲求其，唔值呢個價錢，服務又一般，短期內應該唔會再回頭🙈