影片
更多
2019-08-20
523 瀏覽
已經好耐冇去過打邊爐，適逢約朋友出嚟食飯，所以就嚟試下呢間聽聞裝修得好靚嘅餐廳。我同朋友大概7點鐘到，呢個時候餐廳仲冇咩人，餐廳嘅主調係粉紅色，帶着一種濃郁嘅少女風味，都幾適合打卡。咁啱我哋食嗰日係禮拜一，啤酒買一送一，所以我同朋友都買咗兩杯嚟飲。至於湯底方面我哋同行嘅友人唔食得辣，所以就揀咗蕃茄同埋麻辣嘅鴛鴦鍋。講真我對佢嘅湯底其實好有期望，但係上到黎就有啲失望。首先佢嘅麻辣湯底其實係不過不失，不過我略嫌佢唔夠香，雖然呢個都可能關我叫咗BB辣事，不過如果再香花椒味啲就好了。令我最失望嘅係佢嘅蕃茄毛蟹湯，首先上到嚟已經問唔到任何蕃茄味，然後我哋試嗰陣隱約見到幾舊蕃茄係湯底入邊，但係最後出到嚟湯底嘅味係一浸紫菜味，講真如果唔係見到佢幾舊蕃茄我真係唔會覺得佢係番茄湯底，所以我唔推薦大家叫呢個蕃茄毛蟹湯。之後我哋都叫咗幾個配料，有蘿蔔、蝦滑、雪花肥牛、娃娃菜同埋薯粉。配料方面我覺得最好食嘅就係蘿蔔，因為啲蘿蔔又甜又𣺉，推薦之選！然後佢就雪花肥牛都相當唔錯，油脂分布均勻，入口牛味都幾重，好味！而其他配料都不過不失。最後我哋一行人，因為食唔飽再叫多咗幾個配料，最後埋單每人$359，我覺得呢個介意
我同朋友大概7點鐘到，呢個時候餐廳仲冇咩人，餐廳嘅主調係粉紅色，帶着一種濃郁嘅少女風味，都幾適合打卡。
咁啱我哋食嗰日係禮拜一，啤酒買一送一，所以我同朋友都買咗兩杯嚟飲。
至於湯底方面我哋同行嘅友人唔食得辣，所以就揀咗蕃茄同埋麻辣嘅鴛鴦鍋。講真我對佢嘅湯底其實好有期望，但係上到黎就有啲失望。
首先佢嘅麻辣湯底其實係不過不失，不過我略嫌佢唔夠香，雖然呢個都可能關我叫咗BB辣事，不過如果再香花椒味啲就好了。令我最失望嘅係佢嘅蕃茄毛蟹湯，首先上到嚟已經問唔到任何蕃茄味，然後我哋試嗰陣隱約見到幾舊蕃茄係湯底入邊，但係最後出到嚟湯底嘅味係一浸紫菜味，講真如果唔係見到佢幾舊蕃茄我真係唔會覺得佢係番茄湯底，所以我唔推薦大家叫呢個蕃茄毛蟹湯。
之後我哋都叫咗幾個配料，有蘿蔔、蝦滑、雪花肥牛、娃娃菜同埋薯粉。
配料方面我覺得最好食嘅就係蘿蔔，因為啲蘿蔔又甜又𣺉，推薦之選！然後佢就雪花肥牛都相當唔錯，油脂分布均勻，入口牛味都幾重，好味！而其他配料都不過不失。
最後我哋一行人，因為食唔飽再叫多咗幾個配料，最後埋單每人$359，我覺得呢個介意打邊爐來講其實都算係偏貴，大家可以作參考之用！
張貼
