泰 (已結業)

冬蔭公湯($98)好多火鍋店都會有冬蔭公湯底，不過好多都係得個樣，有個陣味，但清到不得了。哩間既湯底，係真材實料好濃郁既冬蔭公湯，一上枱已經偷偷飲左好多😎。-走地雞半隻($88)一上枱司令就即刻落曬啲雞入湯底，店員仲一直係旁邊感嘆司令識落雞先，喂梗係啦，煮埋啲雞既精華入去先好食嘛😂！雞件斬得大大舊，肉厚，煮落個冬蔭公到食，唔需要額外調味已經好夠。-B餐($228)由於司令乜都想食啲，要左個B餐拼盤，有海鮮有肉有菜有丸，牛肉質素唔錯，抵讚。叫份拼盤就岩曬樣樣都想食啲但又眼闊肚窄既司令，食完夠曬滿足😜。-出前一丁($28)出前一丁一份有兩大個，打邊爐司令好少會叫公仔麵食，但佢個湯底真係好濃郁😫，好岩煮公仔麵，煮完出黎酸酸辣辣😍，超正！另外仲叫左幾樣野食。