樓下火鍋飯店

營業中

休息中

與朋友相約係銅鑼灣食飯，行經橋底，見到間餐廳門面係霓紅燈為主，十足十五六十年代咁，即刻二話不說入去坐低。間餐廳叫樓下火鍋飯店，心諗點解叫樓下。一推開門就見到一條長樓梯，原來係地鋪黎。行到入去坐低，周圍都設計到五六十年代咁，呢d特色只會係我睇電視時先出現，估唔到我置身於呢到，成件事簡直係回到過去。湯底十分多選擇，價錢不一。一於揀個台式養生美人鍋，未放任何野食落去滾之前，即刻呷一口湯，味道濃郁，陣陣當歸味，飲落都幾養生。order左幾樣野食，本地手切肥牛新鮮，肉味甚濃，厚度適中，一個字正。蟹籽海中蝦滑看似份量唔多，但食落都幾多，啖啖蝦肉，一d都唔腥，可見用料充足，十分新鮮。餃子粒粒分明，而且餡料甚多，食起上黎都有肉汁，不錯。