麵道 (已結業)

今日同朋友黎荃灣，行街前先齊齊食個Lunch先，經過麵道好似幾正咁，見條龍都去得幾快，決定都排一排，好彩都係得左10分鐘姐！呢到既拉麵湯底有3款之後仲有唔同配搭，款式都幾多。有D款仲可以揀埋款油，岩晒女仔啦。 我就揀左叉燒味玉醬油豚骨湯拉麵，佢既賣相都唔錯，玉醬油豚骨湯湯底都真心好濃郁但又唔會太過咸，而拉麵既韌度都岩岩好，至於叉燒呢，就半肥偏瘦，都幾淋，岩晒我，原過個糖心蛋就差D喇，因為唔太流心，不過整體都OK的！至於朋友揀既叉燒味玉龍蝦豚骨湯拉麵湯底同樣都好濃郁，但又唔會好似出面既龍蝦湯底咁有腥味，同埋佢有少少辣辣地都幾正。本身對餃子既要求都幾高，呢個燒汁餃子都算唔錯，皮薄同埋煎到香脆，餡都有肉汁。 呢個胡麻露荀就幾清新，露荀好爽口，加埋麻醬都幾好味。 靜岡綠茶可樂係朋友點既，不過我就覺得綠茶同可樂味都樂似冇乜，似普通汽水，哈！