拉麵Jo (已結業)

好少可夜晚會食拉麵當晚餐，嚟到呢個商場嘢食唔算太多選擇，因為比較貴所以去咗食呢間拉麵店，呢間拉麵店座位唔算太多，佢有一邊係坐吧枱嘅，另一邊就係有卡位枱，但卡位都係二人枱嚟嘅啫。咁坐低咗冇耐，我同朋友見到有個二人套餐，套餐來講都算係抵食嘅，$300左右有兩個拉麵，再加多兩個小食。我哋叫咗個蒜味拉麵，同埋一個魚湯嘅拉麵，再加咗個明太子煎蛋同埋餃子。分量方便係非常足夠嘅，而拉面嘅軟硬度我覺得係比較硬身少少，明太子煎蛋明太子份量都好足夠，唔會偏鹹，餃子就醬料非常之充足，仲有好多芝士醬添。