越港正宗越南湯粉 (已結業)

琴日下午去灣仔做完嘢，見到有間新餐廳，入去試吓，估唔到有驚喜。見主打係「蕃茄蝦湯濛」，諗住試吓，點知老闆話午市已經賣曬濛粉！有啲失望，於是就咁叫咗個雞翼河粉。下午茶餐嚟講，河粉份量好夠。本身冇諗過係炸雞翼，因為平時我麻麻哋食炸嘢。嚟到先知，仲擔心會好乾，點知雞肉好入味多汁，表皮都唔會話炸到好乾/過油。不過比起雞翼，最欣賞係湯底👍🏻👍🏻👍🏻食曬成碗河粉都唔會口渴，睇餐牌先知啲湯係用新鮮牛骨淆嘅，同味精湯真係好大對比。特別叫咗杯越南咖啡，幾香，值得一試。員工態度親切，服務都唔錯，應該會再幫襯。