一生懸麵

營業中

休息中

估唔到啲拉麵湯底好好味，麵質都十分唔錯。叫咗佢哋兩個招牌，一個沾麵一個湯麵。餐：雞白湯拉麵+慢熟豚肉叉燒+蜂蜜綠茶樽裝濃濃嘅雞白湯味道，有少少蛋味白湯？我唔知係蛋定忌廉味，好香。食落會感覺飽肚啲。佢鎖住個汁喺個麵條嗰度，啖啖都幾香。估唔到薄片切慢熟豚肉叉燒，口感好滑同埋柔軟，慢煮令到佢嘅肉呢保持新鮮，幾欣賞佢呢種做法。餐：特濃豬骨沾麵+火炙叉燒半熟蛋椰菜佢個豬骨湯底用少少豬脂肪豬油烹調，變咗呢真係好濃郁好香，好邪惡啊。我叫沾麵，改淋啲，變咗就容易咬啲，然後配起上嚟啲湯真係好香。叉燒肉都好多，半肥瘦，有少少烤肉嘅味道。半熟蛋都好新鮮，蛋黃整得晶瑩剔透。最正係佢可以加椰菜，一個碗咁多，咁就唔使驚冇菜食，而且佢煮椰菜都整得好軟身啱啱好，但係保持青綠色。我哋都覺得個廚師煮得好有心機。煎餃子皮薄，餡都好多，啱啱個底又煎得脆口。麵條質地可以選擇標準，較柔軟或者較硬配餐飲可以有不同嘅冷泡茶，香港製造，好特別，有特色茶包喺膠樽入面，而且標明無添加無糖等等標籤，有信心保證我就叫咗白桃烏龍冷泡茶，淡淡嘅白桃烏龍味，清幽，幾好飲。