樂湖刀削麵

營業中

休息中

樂湖刀削麵食過好多次，咁返卓得就梗係ok先會返食啦，今次分享下食物質素如何啦。呢度既刀削麵除左傳統既湯刀削麵，仲有熱撈同冷撈刀削麵，由於我比較鍾意佢山湯底，所以會食返湯既。今次叫左碗豬大腸拼魚腐既雙拼刀削麵，豬大腸無異味，鹵過有d鹵水味，呢隻魚腐我覺得幾好食，平時好少見，上枱之前有輕輕返炸過下，會比較香口，刀削麵偏厚身，唔鍾意厚既朋友落單時記得叫老闆削薄d啦，最正我覺得係個湯底，有dd藥材味，咸中有點甜，唔係天氣熱我諗唔洗另外飲野都得，飲個湯都夠。雙拼麵$49，凍飲加$3，價錢黎講非常合理，環境黎講新北江小店形成會坐迫d，所以都好多人選擇外賣。