麺処一家 (已結業)

天氣轉涼，就想食碗熱辣辣嘅拉麵今日就試左「弟弟推介」，因為我比較鍾意食肥啲嘅叉燒，再加隻糖心多，加埋98蚊，價錢都ok啦。先講湯底，一飲就飲到好香嘅煎魚味道，但一啲都唔腥，唔鍾意食魚嘅朋友都可以試下。魚香味過後就飲到香濃嘅豬骨湯味，湯底嘅質感亦都好濃厚，可以話係魚同豬完美嘅結合叉燒味道就反而偏淡，因為係用豬腩肉做，肥嘅部份會入口即溶。叉燒上面有一pat仔醬，好彩點左少少試左先，原來係辣醬嚟嘅，加少少同叉燒一齊食會野味啲。隻糖心蛋都建議大家加10蚊試下，醬油味濃，裡面流心拉啲麵呢就不過不失啦。總括嚟講都推介俾大家嘅！