養心殿台式養生鍋 (已結業)

今晚去了馬鞍山新商場八卦下，順便去開餐，之前係其他分店食過好好味，當然要來支持下啦！裝修同其他分店好相似，富有傳統色彩，唯一不同係坐位更多，地方更大。養生鍋：今次試新味，湯底用人參、火腿、老雞、豬肉肴制，先飲一碗滋補一下，好甜，人參味好重，有回甘的味道。麻辣鍋：麻辣配鴨血，好有台灣風味，鴨血有種甜味加上辣辣地特別惹味；另外凍豆腐如吸湯寶寶，慳辣。"厚脂黑毛豬梅花肉" 肉質真係好滑，豬味又濃。"櫻桃鮮滑鴨片" 鴨片肉質鮮嫩，好少火鍋店有鴨，口感好滑，令人感意外。"蟹籽墨魚滑" 口感彈牙，味道鮮甜味美。"稻庭烏龍麵" 火鍋必食，同樣好滑，吸埋湯底味道，特別滋味。"雜錦蔬菜盤" 蔬菜新鮮，仲有不同菇類，仲有甜甜粟米。"酸梅湯" 酸味尚可，夠凍夠爽。