醉胡爐 (已搬遷) 新店位置

而家無論春夏秋冬都可以打邊爐, 最緊要環境舒服, 空調充足。醉胡爐位於佐敦道和尖沙咀之間, 地方雖然有啲隔涉, 但勝在店舖闊落又環境高雅, 打起邊爐都特別舒服。打邊爐重點係要湯底靚和優質食材, 今晚點了胡椒花膠豬肚雞鍋, 湯底真係鮮美又惹味, 厚厚花膠加上鮮嫩滑雞, 還有腍滑嘅豬肚, 胡椒辣度啱啱好, 咁好飲嘅湯當然要飲多兩碗。食火鍋少不了牛肉, 肉丸和蔬菜, 安格斯肥牛是我嘅喜好, 牛肉油脂分佈均勻, 牛味濃厚, 入口鬆化嫩滑, 優質嘅牛肉確實令人回味。我雖然唔係太喜歡食肉丸, 但是這個肉丸拼盤相當唔錯, 幾款嘅手打肉丸都相當彈牙。呢度嘅雲吞水餃非常大隻, 用料豐富, 蝦肉新鮮爽脆, 真正係皮薄餡靚。日式和風蕃茄沙律清新美味, 片裝蕃茄新鮮清甜, 配以酸醋汁和青綠香蔥, 酸中帶甜, 相當醒胃。