重慶洪鼎火鍋 (已結業)

放工約左朋友係尖沙咀食飯，雖然好多選擇，但我最鐘意都係食火鍋，今晚試左重慶洪鼎火鍋。🤪 我地6點半黎到，無咩人，我地坐四人卡位，好闊落。食物種類唔算多，但打邊爐要有既料佢都有齊。落單時侍應同我地講8點半離座 火鍋料7折或者鍋底半價 但唔限時。我地當然揀7折啦，有折又可以叫多d野食。😝 一坐低 檯面就有2碟小食，酸橋頭同埋豆，我食左3粒酸橋頭，好爽口好開胃。湯底揀左養顏木耳雞湯($160) ，雞湯好濃郁，有半隻雞、雞件、木耳同埋白果。湯底唔hea，飲得出真材實料。掛住飲靚湯，叫左1664，都無點飲。之後加既湯 都係清雞湯，所以打邊爐唔會好淡👍🏻盛肉拼盤($380) ，分別有美國安格斯牛小排&牛板腱、紐西蘭羊肉片同埋西班牙黑毛豬。肉類擺盤精緻，岩曬相機食先既朋友😂 當然，肉類質素都唔錯，我最鐘意牛板腱，有口感又夠肉味。另外，叫左手打鮮蝦滑($78)同蟹籽墨魚滑($78)。好新鮮，啖啖新鮮蝦同埋墨魚粒，又爽口又彈牙🤤叫左2轉白鱔片($88)，份量可以多d，鱔片好脆口、好新鮮，雖然好飽，但都忍不住叫多碟😂最後，當然要食番碟菜 清清腸胃啦，叫左蔬菜拼盤($88)，有娃娃菜、生菜同埋白菜。食完好滿