川霸王 (已結業)

今日lunch同同事叫咗川霸王外賣返公司食。佢哋湯底有好多選擇，有蕃茄濃湯、重慶酸菜金湯、青花椒酸菜湯、檸檬酸菜湯。我揀咗雞肉青花椒酸菜湯紅薯粉，配菜就揀咗娃娃菜同蒿筍。湯底有滿滿嘅酸菜同唔少嘅辣椒、花椒，蔥等，飲落又酸又辣又麻，層次豐富，絕對刺激上嘅味蕾，好過癮。紅薯粉有咬口，不過個人覺得有少少硬，最好可以軟淋返啲。雞肉都幾嫩滑，不過份量唔多，配菜好新鮮，特別鍾意蒿筍，十分爽脆！個人好欣賞個湯底，辣得有層次，又唔會蓋過酸菜嘅酸，正！下次再試吓其他湯底。