霸嗎拉麵 (已搬遷) 新店位置

約咗朋友去銅鑼灣食飯， 知道登龍街有好多拉麵鋪， 唔知揀邊間最後決定揀最多人排隊嗰間 ，一定有質素保證 。入到去食咗個炙燒豚肉味玉拉麵， 個湯底非常之濃，絕對比美日本嗰啲拉麵， 食完個口有黏住嘅感覺， 隻蛋又好流心，湯底又有好多香蔥 ， 正。結果我成碗麵都食曬連個湯都飲埋， 成碗麵嘅份量都好正常，但因為個湯好濃，所以食曬成碗都係非常之飽。朋友叫嘅雞叉燒味肉雞白湯拉麵， 個賣相非常吸引，雖然我冇試過但下次一定要試叫咗個和沙律炸雞 ，如果個沙律醬多啲會更好 ，但係個炸雞一啲都唔脆 ，仲要好大嚿， 始終都係覺得韓式炸雞好食啲。