BEP Vietnamese Kitchen 越灶 (已結業)

平日較少來中環，友人推薦這間餐廳出名且好食，不少人都會慕名而來。幸好我地7點幾左右就來到，餐廳雖然滿位，但等了10分鐘就可以入座，後來8點左右人龍便開始多了。雖然是中式食物，但餐廳裝潢頗有氣氛、反而有啲來到西式餐廳既感覺，餐廳人客亦有不少外國人光臨。河內魚餅撈檬：撈檬的分量少，配料簡單，魚餅沒有想像的好食，味道很一般，不是太滿意，不推薦。生牛肉湯檬：分量多過撈檬，可能有湯既關係食完係飽肚，因為友人食完撈檬係一啲都唔飽。湯底好好飲，冬天食尼碗湯檬真係一流，因為夠晒濃郁且熱辣辣，食完即刻暖晒，牛肉好味又夠嫩，配料得芽菜，但太生，浸左落去湯都係生生地，所以啲芽菜唔會入味，擠少少檸檬酸落湯檬增加風味、更加開胃，值得推薦👍熟牛肉湯檬：湯底、配料一樣，好味的。唯一唔同就係牛肉，熟牛肉沒有生牛肉好食，但分別不太大，只是生牛肉比較嫩，食起來比較入口即融既感覺。價錢好似與生牛肉的一樣，建議選擇前者啦😆整體來說，識食一定食湯檬，生牛肉就首選。但價錢有點較貴，明白港島區消費係會高些少既，但未至於刻意排隊黎食。