正麵館 新派車仔麵 (已結業)

係油麻地上完堂 下場要尖沙咀番工 一番番到夜晚12點 一定要醫醫肚先去番工 但旺角甘多野食 真係令人眼花暸亂囉 不過聽朋友介紹有個小店係sell新派車仔麵 啲湯底我昅過下眼 真係好特別 我就拉埋個同事去食入面都幾多位 同我想像有出入 環境都乾淨 一掃舊有印象 點菜紙都好方便 圈圈圈就可以等食我點左我最愛既米線 之後就要左個胡椒豬骨湯底 驚吾夠飽所以揀左4餸 胡椒豬骨湯底四餸米線 嗜辣既我揀埋辣汁 佢地自家調製架wo 所以都頗辣 我都無撈勻泥食已經夠辣 食到出汗 啲餸我都幾滿意 唯獨個米線 硬到 下次可以煮耐一排 米線還是淋的好 一路食會擔心消化問題 所以最後都剩左啲食吾到晒 啲餸全部我都好推介 我嗌左辣汁豬皮（好入味 好滑） 豬紅（有味吾會淡謬謬） 墨魚丸（好彈牙 大大粒） 沙爹牛柏葉（好入味 吾難嚼） 佢送既配料有蘿蔔同豆卜 我都好鍾意但豆卜可再淋啲 喇沙湯底三餸米線 我朋友嗌的 我試左個湯 都有椰味 喇沙味都幾足 都幾辣 朋友推介響鈴羅漢果水 依間新派車仔麵有得點涼茶 好有益健康 好似係加3蚊 都合理 加上幾正宗味道 同埋吾甜