味火鍋 (華僑商業中心)

今日約咗啲朋友出嚟去食晚飯，選址喺旺角，上到嚟得返一兩張枱座無虛席，好彩我哋有book位，另外，望真啲好多VIP房地方都算幾大～入座後我哋揀咗精選頭盤，芝士龍蝦＆佛跳牆，跟住第二部就揀火鍋湯底，我哋揀咗鴛鴦鍋一辣一唔辣，我哋之後出咗去揀嘢飲，好多款式選擇，調味配料亦都好多選擇～頭盤到啦！龍蝦好大隻，蝦肉彈牙，好新鮮。佛跳牆好足料有鮑魚、花膠、瑤柱、金華火腿、螺頭、冬菇，鮮甜好飲～麻辣火鍋好足料，而且有分辣度選擇，味道有層次感。特濃芫荽皮蛋豆腐湯，芫荽味好香好濃郁，應該將啲芫荽打碎然後放湯 ，好正呀！海鮮盤份量十足大大盤非常豐富，用料新鮮。牛肉有牛小排、牛肩胛、牛板鍵，牛肉味濃郁色澤好靚又吸引～