俺流塩らーめん (新都會廣場)

營業中

休息中

行完葵廣，唔想食小食做晚餐，就黎左隔離個商場搵野食。見到呢間拉麵店咁開揚係兩條電梯中間，價錢唔算好貴，就決定試一試。雖然都打蛇餅，但好似排左十零分鐘到就入到了。枱上放左三罐醬料，分別係柚子胡椒、黑蒜蓉同梅子覺得柚子胡椒係最值得試，因為真係幾特別，食落係胡椒嘅微辣，同時帶有柚子香氣。建議試呢個醬可以放少少係個匙羹上面，再一邊食麵，每次食麵舀起嘅麵條同湯底都會沾到少少醬料，咁就可以試清楚佢嘅味道。如果唔係落哂成罐醬料都未必試到有分別。俺流熟成濃湯拉麵 $58熟成湯 – 用壓力煲快速煲煮豬骨、雞殼等熬成湯底的確好濃郁，但真係好咸，咸到飲左五、六杯水，返到屋企都係咁繼續飲。拉麵配料較少，雖然知道價錢唔算貴，都唔能夠要求太多嘅，筍非常好食，建議加！唔好蝕底玉子 $10賣相幾吸引嘅溏心蛋，軟硬適中，蛋冇特別調味，所以都係正正常常咁嘅味道。叉燒一片 $13塊叉燒係凍嘅，難道係當冷盤？🤔厚薄算適中，唔算好硬，但食落真係普普通通，唔算好特別。覺得13蚊一塊叉燒有少少貴，因為根本食唔出有特別方式烹調。