村爺爺車仔麵 (已搬遷) 新店位置

朋友搬左黎油麻地附近，所以近排都多左黎呢邊食野，之前我地食過村爺爺龍蝦湯泡飯覺得唔錯，今次試下村爺爺車仔麵。車仔麵店幾特別，要先響店外面點餐處點餐，揀左一輪，我地叫左豬骨湯車仔麵同龍蝦湯車仔麵，再入去麵店入面坐，店入面地方唔大，但整潔企理，牆上面貼左唔少明星同老闆嘅合照，麵店有幾多明星幫襯過。村爺爺豬骨湯車仔麵，三餸一麵只需$28叫左咖哩魚蛋、生菜、金菇三款餸，咖哩魚蛋都幾辣下，不過幾惹味，魚蛋彈牙；金菇都幾多；生菜幾新鮮，嗦左咖哩汁，帶d麻辣味；豬骨湯底幾清甜，加左少少咖哩汁，味道啱啱好；幼麵幾爽滑。特濃龍蝦湯米線，朋友叫左牛筋條、生菜、魚片頭三款餸，龍蝦湯底好香濃，米線好滑；魚片頭魚肉鮮味彈牙，味道唔錯。每碗車仔麵加$6有汽水，好耐冇飲過支裝可樂。