十二味貴陽牛肉粉 (已結業)

較早前難得放半日假，便好好輕鬆一下，先去了做facial, 再去食野，行行下見到一間面積不太大的食店，叫十二味貴陽牛肉粉.一睇個名便知道，這間店是食牛肉為主，有不同選擇，例如牛肚，牛，牛筋，牛肉丁......不知揀甚麼款式，或想一次過食晒所有款，就可以揀全家福牛肉粉(清炖).檯上放滿了醬汁，供客人自行加入麵中.而店員的制服也好有心思.碗麵上檯拉~材料相當豐富，除了牛肚，牛，牛筋，牛肉丁外，仲有鹵蛋和豆乾.由於我不太食得辣，我揀這個湯底是清炖.個湯入口時感覺麻麻地，但是完全不辣，麻而不辣，感覺幾特別，個湯底再濃味一點更吸引.牛幾腍身.而牛肚和牛肉丁相對較有咬口.個牛肉粉幾彈牙, 口感也不錯.豆乾吸收晒湯的精率華，豆香味也不錯，軟硬度適中.我自己鍾意咸味一些，鹵蛋味道對於我略淡一些，再入味一些更美味.