影片
更多
2017-06-26
561 瀏覽
某一日，賴生同屈小姐經過上環去做例行巡查，巡查一下上環區有咩野食，居然比我地見到一個好熟悉既招牌 - 《湯品》。我地即時搵搵Openrice 睇下係咪同大角咀同一間⋯⋯點知真係分店黎！即時引起左我地既注意，Bookmark左！終於係今日係耶和華既幫助下，我地可以提早完成早上要處理既事，可以第一時間黎呢度嘆番個Lunch啦！從外面睇，間舖頭好似好細間咁，得2-3張枱。其實仲有樓上舖，不過今日Lunch冇開，我地就坐下面，餐廳就用木枱同冇靠背既木櫈，而因為新裝修，所以都好光猛同企理，冷氣都好夠，慢慢嘆個Lunch都未嚐不可點解我地選擇係Lunch黎呢？因為《湯品》有Lunch menu，可以用平D既價錢試到多種類既野，至岩貪心既我地！不過湯品推出左新既菜色⋯⋯唔知轉變是好是壞呢？暫且今次由我地飲食情侶小先鋒試下先《湯品》主打湯水，所以基本上佢希望你揀湯先，如果你唔揀湯既話，散叫野食是需要額外加錢嫁，所以呢度既組合通常係 先揀湯，揀配飯/麵同飲品 ，再揀加唔加餸。首先介紹一下屈小姐之選先：1）瑪卡湯拼蕃茄濃湯組合配新竹米粉加黃牛肝菌醬：4⭐️既然主打係湯，一定要由湯講起先 ⋯⋯A) 瑪卡湯：4
從外面睇，間舖頭好似好細間咁，得2-3張枱。其實仲有樓上舖，不過今日Lunch冇開，我地就坐下面，餐廳就用木枱同冇靠背既木櫈，而因為新裝修，所以都好光猛同企理，冷氣都好夠，慢慢嘆個Lunch都未嚐不可
點解我地選擇係Lunch黎呢？因為《湯品》有Lunch menu，可以用平D既價錢試到多種類既野，至岩貪心既我地！不過湯品推出左新既菜色⋯⋯唔知轉變是好是壞呢？暫且今次由我地飲食情侶小先鋒試下先
《湯品》主打湯水，所以基本上佢希望你揀湯先，如果你唔揀湯既話，散叫野食是需要額外加錢嫁，所以呢度既組合通常係 先揀湯，揀配飯/麵同飲品 ，再揀加唔加餸。
首先介紹一下屈小姐之選先：
瑪卡湯拼蕃茄濃湯配新竹米粉加黃牛肝菌醬
$79
29 瀏覽
0 讚好
0 留言
既然主打係湯，一定要由湯講起先 ⋯⋯
A) 瑪卡湯：4⭐️ 入面有紅蘿蔔絲、木耳絲、粟米，瑪卡片同肉。味道就不過不失，飲得出唔係一般出街食既例湯，係新鮮煲起既湯，其實同屋企煲既湯冇太大分別，只係難得外面會有一間專注爲大家既健康而煲湯既一間舖頭，暖入心窩！但單純論味道的話，不過不失啦！
B) 新竹米粉（加$5）：4.5⭐️ 條條都好幼！彈牙，超索湯！跟番舖頭既建議食法，將1小注米粉配一啖湯食，盡吸湯水既味道！當然⋯如果你有額外叫醬的話，不妨落醬落少少醬整番個撈米粉，又是另一番風味！
C) 蕃茄濃湯豬軟骨：4.5⭐️ 重點所在！豬軟骨已經炆到淋晒，軟骨啫喱化，微微既蕃茄味炆入左豬軟骨入面，仲將豬肉鮮味成功帶出！好出色既一道菜
D) 鹵水豆腐：4⭐️！豆腐入晒味，夠實淨！鹵得唔錯，處理得幾好！
E) 玫瑰露雞翼：3⭐️！⋯都係炆得好淋，一咬就好容易骨肉分離，只可惜食唔出玫瑰露既香味同味道，好似比鹵水豆腐既鹵水味遮蓋晒
F) 時菜：3⭐️！份量多番幾條會更佳
G) 杞子黑糖茶：4⭐️！凍飲黎，加入菊花令整杯飲品多份清香，而且黑糖杞子令杯野甜甜地，係容易入口既甜，甜度適中，熱辣辣既天氣飲一杯真係乜火都下晒！
跟住黎到賴生之選：
松茸清湯拼燜燒牛尾配鹽水麵加黑虎掌菌醬
$92
32 瀏覽
0 讚好
0 留言
A) 松茸清湯：3⭐️！湯料就有木耳絲、紅蘿蔔絲、粟米、松茸片，金華火腿同雞肉。雖然有落雞肉，松茸同金華火腿，但個湯係比較清既，好清澈，你會見到有晒咩料，但味道亦相對較清淡，唔係好飲得出松茸味，不過都算有煲湯水飲下，有時食清淡D，亦幾好既
B) 鹽水麵：4.5⭐️！比較幼身既麵，口感細膩，掛汁一流，假若用湯麵方式進食，略爲可惜，故此賴生加入少許清湯，拌以香辣濃味（淨食會過咸）既黑虎掌菌醬，簡單但令重口味人士欲罷不能！
C) 黃牛肝菌醬燜牛尾：5⭐️！重點中之重點! 成舊牛尾淋晒，骨肉分離，黃牛肝菌既味道圍繞於牛尾表面，牛肉味又好出，仲有連骨髓既精華都逼左出黎，係每舊骨中間形成膠狀物既啫喱，一吸就吸晒，好出色呀
D) 蘿蔔：3.5⭐️！超清甜，炆得淋，但好可惜係勁多渣，一入口成口都係，好大影響⋯
E) 秘制鹵排骨：4⭐️！都炆得淋同入味既，但肉就略微鞋左D，同埋多骨左D！
黃牛肝菌醬
$10
10 瀏覽
0 讚好
0 留言
味道唔錯！好香！似台灣肉燥既質感，但冇左台灣肉燥既甜味，反而多份咸味！單食同撈飯/麵都好滋味！
黑虎掌菌醬
$16
17 瀏覽
0 讚好
0 留言
太咸，勁咸，一入口豆瓣味超勁⋯單食真係太咸接受唔到，不過拎黎撈麵就好好多，加番D湯溝番淡佢，就試到佢其實幾辣下！撈埋就好正！不過初初食個咸字真係遮晒所有野
其實，以前既湯品小棧總店我地食過1次，係屈小姐專登帶賴生入大角咀KO呢間on list好耐既野食，果陣我地叫到成枱野，味道係好驚艷嫁！特別係佢個香菇肉醬同素肉醬，2款醬都好出色，菇味濃郁！可惜轉左新menu就好似不及當年勇 (定係分店既問題？)！
同埋係加價之後，索價真係有點高，不過始終健康無價，係要比錢買健康嫁啦！我地間中都應該會再黎下！希望佢食物可以有改善，再一次驚艷我地啦
#感謝耶和華垂聽我們的祈求
#展露滿足既笑容
#落大雨都周街去
#大雨也擋不住食好西既慾望
#RmbToSmileAlways
張貼
