阿堂魚湯 (已結業)

朋友在大角咀附近做嘢，選了一間近太子站的食店「阿堂魚湯」，環境乾淨唔錯。間鋪招牌菜係魚湯烏冬，見到魚湯飯menu 都幾吸引，價錢又大眾化，食物份量都唔少，百幾蚊一位唔算貴，值得一試。首先嚟幾個小食，第一就係蒜片牛柳，個份量都夠大，牛粒又好嫩，非常之有牛味，又有蒜香味，還好有沙律菜搭配。鱈魚魚腐，味道唔錯，有魚嘅鮮甜，夠彈牙，外表香脆，內裏嘅肉又好嫩口，好好食。炸一口番薯，熱氣騰騰，又啱啱炸出來嘅番薯，香脆味甜，一口一粒，幾好食，番薯肉食落去又冇筋，好滑，值得一試。主食，煙三文魚湯湯飯，魚湯味濃鬱，超香濃！真材實料，係夏天食湯飯不失為一個好嘅選擇。雜菇肥牛魚湯烏冬，料足，烏冬又超爽滑，食落去都幾好食嘅。兩個主食再加小食，足夠三個人的份量。