泰好食 (已搬遷) 新店位置

次次去都會食佢d湯粉，$22有一個餸，可以選米粉、河粉、金邊粉等。另外亦有三種湯底選擇。三種湯底我都試過哂：清湯、椰汁雞湯同埋冬陰功湯。清湯無咩特別，同埋都多油，唔算特別清；椰汁雞湯好味，佢ｄ味好特別的，帶少少梆味，但就有幾濃烈的酸味。酸酸甜甜咁，好開胃的。至於冬陰功湯，我見好多人食，但我個人就覺得好辣，唔係好受得到，第一次食差d變左孖潤腸。所以我以後都只會叫「少辣」，無謂令自己咁辛苦啦。餸方面，次次都叫魚餅或豬頸肉，兩種都好味，推介。提一提大家，呢度平日上班日子下午午飯時超多人的，所以我次次都一個人去，咁就易搵位ｄ。如果多個一個人咁就最好等齊人先入座，如果唔係間鋪ｄ阿姐會勁唔like的。