鰹烏冬 (駱駝漆大廈第三座)

營業中

休息中

今日約左朋友喺觀塘食lunch，佢推介去一間傳說中好出色嘅烏冬店🍜🍜🍜，本身我對本土烏冬無咩憧憬，抱住一試無妨嘅心態去試吓。午飯時段排隊係基本，不過唔算多，等左10分鐘左右就入得，坐低叫左個友人話必食嘅雞扒，同埋個金菇牛肉卷。出餐時間算幾快，一望到個湯底就知有料，好濃郁，好“杰”果種，試下個湯，有好濃魚香味道，食埋個烏冬，彈牙到不得了🍥🍥🍥，輕微偏硬左少少，大約日本8成水準。試埋個堅魚湯，好清不鹹，掂!!! 冇介紹錯 👍👍👍 個牛肉卷就不過不失。