刕舙馫麵館 (已結業)

好耐無食刀削麵，朋友就推薦依間刕舙馫，雖然唔識讀，但朋友介紹點都要過黎試下。餐牌都算有幾多選擇，小食都有唔少。麻辣豬軟骨撈麵刀削麵有嚼勁，偏硬身，個麻辣醬好特別，好香，唔夠仲可以自己加豬軟骨入味又夠軟淋。麻辣口水雞湯麵估唔到呢到口水雞係暖，麻辣外仲有d花生香，雞都幾滑，湯麵比撈麵無咁重口味。小食叫左糖心蛋，都幾入味，惹味燻魚就普通左，炸得有點乾。食辣野一定會飲杯冰凍豆漿，跟餐都係加8蚊，唔會太甜。