鮮蒲 (已結業)

今日喺紅磡經過一間麵店，係食錫紙粉絲嘅。咁我就入咗去試下， 店內嘅環境裝修都唔錯，坐落去幾舒適。排骨湯麵 $45排骨大大粒，肉質都幾嫩滑，而且仲有一堆肉燥， 個湯底飲落去好濃肉燥味，個排骨面仲有一啲炸黃豆，食落去脆卜卜，口感好豐富!麵質係煙韌嗰一種，吸汁嘅能力都唔錯。招牌錫紙貝殼粉絲 $52呢個粉絲嘅配料有好多，有沙白，茶樹菇，木耳，生菜，魚旦等。 沙白無沙鮮甜，茶樹菇，木耳，生菜索唒d湯汁! 個湯底我揀咗微辣，食落去有少少刺激喉嚨嘅感覺，加上個粉絲吸曬湯汁，食落好濃味。爽滑木耳 $26木耳爽口彈牙，個汁有少少微辣，食落去好惹味。手拍青瓜 $26青瓜非常新鮮， 都幾濃蒜香味。 果然啲蔬菜新鮮就已經好好食。惹味豬肚絲  $34豬肚洗得好乾淨，完全冇豬臊味。佢既醬汁都係偏濃味，少少微辣，名副其實真係惹味豬肚絲。豆漿蘭香籽  +10好香香料味嘅豆漿，飲落去唔會過甜，甜度啱啱好，非常解渴。