影片
更多
2009-07-22
77 瀏覽
5月28日, 端午節日~ 好想好想好想食台灣野!!! 不過觀乎銅鑼灣至灣仔一帶, 食得過的台灣野除了易牙妙手之外再無它選… 結果搵咗好耐, 原來平時我地成日經過嘅呢間台灣麵評價都唔錯~ 一於一試!!::: 涼拌腐皮絲 ::: $10係跟餐加錢要的. 係一碟仔像腐皮又像蛋絲加火腿絲嘅涼拌小食~ 甜甜地都幾開胃~::: 豆腐肉燥乾伴麵 ::: $34賣相色彩繽紛~ 靚! 炸豆腐唔油兼有豆香~ 好味! 肉燥混有豆豉香甜味味~ I like it!! 仲有一大堆健康配菜椰菜蘿蔔青瓜絲, 又新鮮又嫩~ 麵條較米線粗身, 咬落有烏冬般軟淋煙韌感覺, 吸收埋少量嘅肉燥汁, 真係好食到停唔到~!! 總結就係好好好味道!!::: 紅燒牛肉飯 ::: $31有驚喜係佢嘅白飯上都加有肉燥! 其他好多台灣野都做唔到~ 紅燒牛肉跟碟另上, 份量亦足, 牛肉非常淋身, 咬落肉味濃郁~ 白飯加上肉燥都十分好味~ 同樣地配上椰菜蘿蔔, 成個紅燒牛肉飯都十分豐富~::: 小籠包 ::: $20一籠四個, 即叫即蒸. 包皮厚薄適中, 而且啱啱透出少少豬肉餡的粉紅色~ 因為有蓋焗住d包兼有大堆椰菜絲顫底, 所以包皮都可以保
::: 涼拌腐皮絲 ::: $10
係跟餐加錢要的. 係一碟仔像腐皮又像蛋絲加火腿絲嘅涼拌小食~ 甜甜地都幾開胃~
::: 豆腐肉燥乾伴麵 ::: $34
賣相色彩繽紛~ 靚! 炸豆腐唔油兼有豆香~ 好味! 肉燥混有豆豉香甜味味~ I like it!! 仲有一大堆健康配菜椰菜蘿蔔青瓜絲, 又新鮮又嫩~ 麵條較米線粗身, 咬落有烏冬般軟淋煙韌感覺, 吸收埋少量嘅肉燥汁, 真係好食到停唔到~!! 總結就係好好好味道!!
::: 紅燒牛肉飯 ::: $31
有驚喜係佢嘅白飯上都加有肉燥! 其他好多台灣野都做唔到~ 紅燒牛肉跟碟另上, 份量亦足, 牛肉非常淋身, 咬落肉味濃郁~ 白飯加上肉燥都十分好味~ 同樣地配上椰菜蘿蔔, 成個紅燒牛肉飯都十分豐富~
::: 小籠包 ::: $20
一籠四個, 即叫即蒸. 包皮厚薄適中, 而且啱啱透出少少豬肉餡的粉紅色~ 因為有蓋焗住d包兼有大堆椰菜絲顫底, 所以包皮都可以保持濕潤, 咬開亦有爆汁效果! 雖然質素比不上鼎泰豐, 但絕對唔差得遠. 而且抵好多~ 絕對食得過!
::: 珍珠奶茶 ::: $3
跟餐加錢轉珍珠奶茶, 好大杯!!! 唔知關唔關叫咗少甜事… 無咗平時個種死甜肥膩感, 反而飲到濃郁茶味同陣陣奶香~ 珍珠粒粒分明唔會煲到一patpat~ 出色! 完全可以當甜品滿足晒我地嘅台灣癮!
店舖喺W Square上一條街, 可能位置非大路所在, 所以唔多人食, 我地晚飯時間去都唔夠半場滿~ 環境光猛企理, 仲有大電視睇, 梳化座椅都十分舒適~ 以後一定會多多捧場!!
張貼
