影片
更多
2023-11-20
24 瀏覽
朋友剛轉職灣仔返工，已經急不及待向我推介呢間位於藍屋附近嘅日式壽司小店。店舖裝修簡約，主要以做外賣為主。今晚外賣咗二人份晚餐，$400有找。包括：帆立貝甜蝦飯 （$100）六大隻厚肉帆立貝同四隻肥美肉爽嘅甜蝦，加埋黃色玉子同橙色嘅蟹柳，顏色吸引，刺身非常新鮮，令人食慾大增。燒鯖魚飯 （$70）送湯燒鯖魚份量十足，外皮煎得香脆之餘，亦冇腥味，有飯有湯，絕對係飽肚之選。海膽刺身 （$200）來自加拿大嘅海膽呈金黃色，入口軟滑即化，帶有啖啖嘅海水味同甜味，而且完全唔腥。店舖仲特別用保鮮紙包好紫菜，保持紫菜脆口，將青瓜夾埋一齊食，又係另一番滋味。燒多春魚 4條 （$25）條條都煎得恰到好處，可謂最佳佐酒小食。
今晚外賣咗二人份晚餐，$400有找。包括：
帆立貝甜蝦飯 （$100）
六大隻厚肉帆立貝同四隻肥美肉爽嘅甜蝦，加埋黃色玉子同橙色嘅蟹柳，顏色吸引，刺身非常新鮮，令人食慾大增。
燒鯖魚飯 （$70）送湯
燒鯖魚份量十足，外皮煎得香脆之餘，亦冇腥味，有飯有湯，絕對係飽肚之選。
海膽刺身 （$200）
來自加拿大嘅海膽呈金黃色，入口軟滑即化，帶有啖啖嘅海水味同甜味，而且完全唔腥。店舖仲特別用保鮮紙包好紫菜，保持紫菜脆口，將青瓜夾埋一齊食，又係另一番滋味。
燒多春魚 4條 （$25）
條條都煎得恰到好處，可謂最佳佐酒小食。
張貼
