正潮樓

營業中

休息中

灣仔有間滷水超正既潮洲菜館—正潮樓裝潢古色古香，椅桌同幅牆畫都好有特色。依間招牌係滷水野，仲有國家級大廚坐鎮，有質素保證。收銀處有句書法：不怕膽固醇，好攪笑！鵝翼（例）、鵝粉肝（例）、鵝蛋（隻）餐廳有提供滷水三寶/六寶，適合人少少但想食多d款式。但我偏愛鵝翼同鵝粉肝所以單點食多幾塊。兩款滷水野都暖暖的，滷水汁超入味又甜甜地。鵝翼啖啖肉、鵝粉肝口感滑嘟嘟又夠粉，仲有豆腐係底，大讚！鵝蛋大大隻，蛋肉係特別厚身彈牙。干貝海鮮粥（位）食少少墊下個胃。超多粒干貝，鹹香用作配淡味既粥提鮮！粥身好綿。椒鹽九肚魚即叫即炸好脆。九肚魚肉質入口即溶又無暗骨。