西貢街頭越南牛肉粉

營業中

休息中

聖誕節臨近，好友從英國回港探親，順道約我聚舊，我帶他去灣仔漫遊，順道去位於灣仔克街6號廣生行大廈C座及D座地下4-6號舖的《西貢街頭越南牛肉粉》食越式下午茶餐，環境舒適，坐得舒服。我點左個 順化香茅豬扒飯 $58，好友點左個 街頭香茅牛肉飯 $60，另外點左 越式傳統街頭法包 $56，蒜茸牛油雞翼（2件）$30，餐飲係 熱越南老薑蜜，凍話梅咸柑桔水。順化香茅豬扒飯好味道，香茅豬扒香口肉嫩，伴碟還有2塊蛋餅（好味）；街頭香茅牛肉飯牛味香濃又好食；越式傳統街頭法包香脆好食；蒜茸牛油雞翼十分好味；熱越南老薑蜜潤喉好飲，話梅咸柑桔水清爽。