影片
更多
2023-09-04
52 瀏覽
呢日朋友生日 特登帶佢嚟呢間咁有特色嘅西餐廳🍴 呢度嘅Weekend brunch真係好抵食 除咗有六款starter任食之外 連個main都係好好食㗎☺️前菜呢六個starter都係任食㗎 因為第一次嚟食未知道邊碟好食 所以每碟都嗌咗嚟試吓🫢Chicken Karaage 係一份香草醃製嘅炸雞件 配上兩個醬汁 一款係日式嘅辣椒油 味道唔算太辣 有啲鹹鹹地 另外一碟同日式嘅南蠻醬好相似🐥Baked Cheese Beef Tripe in Tomato Sauce 呢個係一碟即叫即焗嘅牛肚 入面有芝士同埋茄汁浸住 牛肚依然好有口感再飲埋兩塊麵包食 幾有風味🍅Cauliflower Tempura 啲碟都幾有驚喜 用上炸粉包住嘅椰菜花 外層真係整得好香脆 側邊半碟嘅仲有一個用蠟燭㷫住嘅芝士醬🧀 面頭仲有啲脆煙肉粒French Onion Soup 除咗個法式嘅洋蔥湯之外 呢碟前菜仲配一塊芝士脆法包🥖 件法包我覺得點埋個洋蔥湯更加惹味Fried Cuttlefish 呢碟魷魚即叫即炒 一上碟個香味散晒出嚟🦑 底下有啲洋蔥墊底 但係主要都係個日式汁配魷魚好夾 呢個忍唔住encore多次🥰Mus
前菜
呢六個starter都係任食㗎 因為第一次嚟食未知道邊碟好食 所以每碟都嗌咗嚟試吓🫢
Chicken Karaage 係一份香草醃製嘅炸雞件 配上兩個醬汁 一款係日式嘅辣椒油 味道唔算太辣 有啲鹹鹹地 另外一碟同日式嘅南蠻醬好相似🐥
Baked Cheese Beef Tripe in Tomato Sauce 呢個係一碟即叫即焗嘅牛肚 入面有芝士同埋茄汁浸住 牛肚依然好有口感再飲埋兩塊麵包食 幾有風味🍅
Cauliflower Tempura 啲碟都幾有驚喜 用上炸粉包住嘅椰菜花 外層真係整得好香脆 側邊半碟嘅仲有一個用蠟燭㷫住嘅芝士醬🧀 面頭仲有啲脆煙肉粒
French Onion Soup 除咗個法式嘅洋蔥湯之外 呢碟前菜仲配一塊芝士脆法包🥖 件法包我覺得點埋個洋蔥湯更加惹味
Fried Cuttlefish 呢碟魷魚即叫即炒 一上碟個香味散晒出嚟🦑 底下有啲洋蔥墊底 但係主要都係個日式汁配魷魚好夾 呢個忍唔住encore多次🥰
Mussels in White Wine Broth 呢個前菜絕對係回本之選 店員仲要好貼心咁比多一隻碟我哋裝住啲殼🫢 白酒汁味道香 青口都幾鮮味 淨係食呢碟都可以回本
主菜
Stewed Beef Cheek 和牛面頰牛肉味香濃 而且煮得好腍🐮 面頰唔會太肥膩 側邊仲有西蘭花同埋薯蓉伴碟 份量都足夠🥦
Fettucine Uni Carbonara 北海道海膽超級creamy 完全有入口即溶嘅感覺 除咗面頭有一排海膽之外 煮意粉嘅醬汁都係用海膽同cream整成😺 海膽都幾新鮮 配埋下面有口感嘅意粉🍝 令人好有驚喜
甜品
Tiramisu擺盤別緻 係個打卡一流嘅甜品呀 層次感分明🍰 中間蛋糕部分如果多翻啲咖啡味就好喇😂
Homemade Japanese Gelato 呢日係黑芝麻口味 黑芝麻味道濃郁 雪糕creamy得嚟仲見到有黑芝麻碎 真係好真材實料🍦
飲品
食完呢餐咁豐富嘅午餐之後 仲有餐飲可以選擇 我哋都簡單咁嗌咗兩杯coffee with milk☕️
Champagne
食西餐真係好想飲杯香檳嘆吓🍾 所以同朋友額外加咗支香檳 係Moët嚟㗎🥰 如果飲到好多酒嘅朋友可以加$388 嚟個Champagne freeflow喎👍🏻
除咗食物高質之外 店員服務質素都唔錯 整個用餐體驗都好愉快😁 係令人滿意嘅意日fusion餐廳
張貼
