影片
更多
2022-12-16
197 瀏覽
朋友介紹灣仔有間韓式扒房，我同朋友都未食過，於是約埋一齊去試下。餐廳門口擺放咗一個穿著韓服嘅機械人，原來餐廳係有機械人自動送餐。餐廳以4人卡位為主，卡位比較闊落坐得比較舒適，另設有幾間VIP房，環境乾淨舒適，燈光美，氣氛佳。就快到聖誕節，門口位置已經擺放咗一些聖誕嘅擺設，餐廳仲播放住聖誕音樂增添不少聖誕氣氛。食物方面可以單點可以點套餐，套餐每位計有 $520/$680/$720/$860 選擇。我地叫左個聖誕嘅套餐有韓牛。套餐Hanwoo Feast set $860/per person▪️前菜前菜有泡菜、辣韭菜花、辣蟹仔、銀魚仔、大荳芽菜伴蝦仁。當中極度推薦呢度嘅泡菜，同出面食到嘅味道有少少唔同，味道帶甜又唔會太鹹太辣，食完仲可以再Refill，但Refill 有點慢。✨Starter ▪️季節沙律沙律菜清新爽口，加埋酸酸地嘅黑醋汁食落特別開胃。▪️醬油盛合 (醬油蝦、醬油帶子）醬油蝦和醬油帶子唔會太鹹味道啱啱好。醬油蝦都幾大隻，蝦頭味道都好鮮甜，蝦肉都好入味。醬油帶子都大大粒，食落鮮甜同樣入味。✨Barbecue Items先由味道較淡味嘅肩胛肉開始食起，食起嚟會比較有層次感。▪️韓牛肩
餐廳門口擺放咗一個穿著韓服嘅機械人，原來餐廳係有機械人自動送餐。
餐廳以4人卡位為主，卡位比較闊落坐得比較舒適，另設有幾間VIP房，環境乾淨舒適，燈光美，氣氛佳。就快到聖誕節，門口位置已經擺放咗一些聖誕嘅擺設，餐廳仲播放住聖誕音樂增添不少聖誕氣氛。
食物方面可以單點可以點套餐，套餐每位計有 $520/$680/$720/$860 選擇。
我地叫左個聖誕嘅套餐有韓牛。
套餐Hanwoo Feast set $860/per person
▪️前菜
前菜有泡菜、辣韭菜花、辣蟹仔、銀魚仔、大荳芽菜伴蝦仁。當中極度推薦呢度嘅泡菜，同出面食到嘅味道有少少唔同，味道帶甜又唔會太鹹太辣，食完仲可以再Refill，但Refill 有點慢。
✨Starter
▪️季節沙律
沙律菜清新爽口，加埋酸酸地嘅黑醋汁食落特別開胃。
醬油盛合
35 瀏覽
0 讚好
0 留言
▪️醬油盛合 (醬油蝦、醬油帶子）
醬油蝦和醬油帶子唔會太鹹味道啱啱好。醬油蝦都幾大隻，蝦頭味道都好鮮甜，蝦肉都好入味。醬油帶子都大大粒，食落鮮甜同樣入味。
24 瀏覽
0 讚好
0 留言
✨Barbecue Items
先由味道較淡味嘅肩胛肉開始食起，食起嚟會比較有層次感。
▪️韓牛肩胛肉
肉質比較豐滿，口感軟腍，加少少芝麻鹽一齊食會更惹味。
▪️韓牛肉眼
韓牛肉眼肉味比肩胛肉濃郁，肉質軟腍帶少少油脂，但食落唔覺好膩。
▪️韓牛西冷
油脂味比較重，肉汁比較濃，口感同樣軟腍，唔使加調味就咁食已經好好味。
▪️醬油牛肋肉
醬油牛肋肉經過至少十二個鐘頭時間去醃製，同時加咗梨和蘋果汁，食出嚟有香甜嘅果香味道。牛肋肉肉質非常軟腍，肉味香濃入味，燒耐少少帶少少焦香味又有另一番味道。
11 瀏覽
0 讚好
0 留言
✨Korean Signature
▪️綜合煎餅
我以為綜合煎餅係好似泡菜煎餅咁圓圓地一大塊。原來韓國嘅傳統綜合煎餅係可以將茄子、菇、翠玉瓜、蟹棒等食材去煎，就變成煎餅拼盤，有少少似我地港式嘅煎釀三寶。
呢度煎得好香脆，都幾好味。
23 瀏覽
0 讚好
0 留言
18 瀏覽
0 讚好
0 留言
▪️韓式水冷麵
我第一次食水冷麵，入面配料有醃蘿蔔、梨子、青瓜絲和雞蛋。麵身比較幼細，冷麵嘅口感咬落比較煙煙韌韌，鍾意食酸辣可以按個人喜好加入黃芥辣和酸醋，我就咁食都已經覺得好食。
▪️海鮮豆腐湯
天氣寒冷食完凍冰冰嘅冷麵要飲返碗熱湯，海鮮豆腐湯有瓜、蔬菜、白蘿蔔、蝦、豆腐等配料，湯頭味道香濃得嚟又唔會過鹹，加埋海鮮嘅鮮味，好適合用嚟拌飯。
13 瀏覽
0 讚好
0 留言
✨Sweet
▪️Tiramisu
呢度Tiramisu 嘅酒味唔重，我好怕酒味太濃，同埋呢個Tiramisu唔會好甜，仲好香滑，韓式餐廳都可以食到好味嘅Tiramisu 😋
Tiramisu
16 瀏覽
0 讚好
0 留言
✨飲品
▪️柚子檸檬梳打
有兩大片西柚同檸檬，加埋有汽嘅梳打水飲落清新，太甜嘅我通常都要加水，但呢度唔會好甜，好啱我飲。
柚子檸檬梳打
16 瀏覽
0 讚好
0 留言
▪️特上蜂蜜生米酒
米酒用壺盛載，酒味唔會好濃烈，帶香甜嘅蜂蜜酒香味容易入口，令人想一啖接一啖咁飲。
特上蜂蜜生米酒
16 瀏覽
0 讚好
0 留言
Sparkling Water
10 瀏覽
0 讚好
0 留言
總結：韓牛好好味，餐廳開業咗接近年半，晚上七點餐廳已經坐滿人，可見餐廳有口碑係灣仔區呢個地段嚟講相當唔錯。
聽餐廳講佢地都會不定期更換新Menu，希望可以比到大家新鮮感，有機會都會再嚟。
張貼
