影片
更多
2023-06-13
53 瀏覽
N+ Burger 📍灣仔汕頭街32號地舖我朋友喺灣仔返工，佢話同事最近介紹咗一間幾受歡迎嘅Farm-to-Burger漢堡店俾佢，想同我一齊試下。睇過menu，發現佢主打牛肉漢堡，雖知道自己唔食牛無緣一試，但我朋友好想我陪佢去，所以最後都趁佢放早嘅呢日去食咗。我哋叫咗一個餐堂食，我自己就叫多咗一個餐打包返去俾我個鍾意食牛肉漢堡嘅爸爸食，所以今次可以同大家分享下佢哋兩人嘅食後感。值得留意嘅位係佢哋嘅漢堡全部都係由澳洲自家牧場直送嘅100%全天然安格斯牛肉製成，不論薯條、薯角或醬汁都係由廚師自家製，加埋用天然酵母整嘅酸種麵包，滋味十足！ 💰$75 (單包) $130 (套餐)N+ Classic Burger 🍔 先同大家講下我爸爸食嘅外賣套餐，就係呢度嘅classic burger！我幫佢揀咗千島醬，味道酸酸甜甜，好醒胃。爸爸大讚個包好香好鬆軟，安格斯牛肉肉味鮮甜，而且酸青瓜唔似大型連鎖店咁酸到刺喉，係一個幾出色嘅burger。至於其他配菜亦唔馬虎，有芝士、蕃茄、洋蔥圈同green lollorosso，一啖咬落去食到多種新鮮食材，非常抵食！跟餐叫咗薯條，比一般食開嘅薯條粗身，點埋自家
📍灣仔汕頭街32號地舖
我朋友喺灣仔返工，佢話同事最近介紹咗一間幾受歡迎嘅Farm-to-Burger漢堡店俾佢，想同我一齊試下。睇過menu，發現佢主打牛肉漢堡，雖知道自己唔食牛無緣一試，但我朋友好想我陪佢去，所以最後都趁佢放早嘅呢日去食咗。我哋叫咗一個餐堂食，我自己就叫多咗一個餐打包返去俾我個鍾意食牛肉漢堡嘅爸爸食，所以今次可以同大家分享下佢哋兩人嘅食後感。
值得留意嘅位係佢哋嘅漢堡全部都係由澳洲自家牧場直送嘅100%全天然安格斯牛肉製成，不論薯條、薯角或醬汁都係由廚師自家製，加埋用天然酵母整嘅酸種麵包，滋味十足！
[價錢 Price]
💰$75 (單包) $130 (套餐)
N+ Classic Burger 🍔
先同大家講下我爸爸食嘅外賣套餐，就係呢度嘅classic burger！我幫佢揀咗千島醬，味道酸酸甜甜，好醒胃。爸爸大讚個包好香好鬆軟，安格斯牛肉肉味鮮甜，而且酸青瓜唔似大型連鎖店咁酸到刺喉，係一個幾出色嘅burger。至於其他配菜亦唔馬虎，有芝士、蕃茄、洋蔥圈同green lollorosso，一啖咬落去食到多種新鮮食材，非常抵食！
跟餐叫咗薯條，比一般食開嘅薯條粗身，點埋自家製嘅honey mustard，話咁快就食晒滿滿一兜薯條！至於飲品我叫咗杯handmade sparkling lemonade，雖然飲落去偏酸，唔建議單點嚟飲，但配埋漢堡一齊食就可以中和返油膩感。
[價錢 Price]
💰$115 (單包) $170 (套餐)
N+ Limited Truffle Burger 🍔
朋友堂食嘅呢款truffle burger塊漢堡，同麵包都同classic嘅差唔多，不過佢有加入炒本菇，令個漢堡包更加有層次，再加埋自家製黑松露醬嘅香氣，令burger味道昇華。特別想提一提佢嘅burger擺到好似藝術品咁，絕對唔係圖片只供參考咁嘅樣，所見就係所得，呢一點一定要讚！
呢一個餐我哋揀咗薯角，佢比起頭先提及嘅薯條更加粗，口感更加好，我自己食過都比較鍾意薯角更厚實嘅口感！飲品方面，叫咗sparkling limeade，個人就認為呢隻飲品實在太酸，酸到一飲就會變咗IQ博士入面，食咗酸梅乾嘅超人咁嘅樣。不過鍾意飲酸嘢嘅朋友就話越飲越鍾意，人人嘅口味都唔一樣，大家可以自己試下，睇下啱唔啱你哋嘅口味啦！
張貼
