影片
更多
2019-10-23
38 瀏覽
👭寶寶雞煲(旺角)👭1⃣招牌香辣雞煲(半隻) $115呢到既雞煲可以揀冰鮮雞同走地雞，但其實冰鮮雞同新鮮雞既營養價值差不多，38就揀左價錢比較平既冰鮮雞。另外呢到雞煲都有好幾款，38揀左比較少見既濕雞煲，即係直接有湯係煲入面，而唔係乾身既雞件。好處係唔洗一次過食哂啲雞先食配料，而係可以一啖雞一啖配料😆相隔住食無咁易漏。辣度方面揀左小辣，老實講38係覺得唔辣既🤣但湯底本身都幾夠味，比起乾身款既清啲。雞件砍得比較細件，口感嫩滑，脂肪唔算多，但無左38最愛既雞腳🥺如果有埋就好啦..2⃣炸響鈴 $18餐廳即叫即炸響鈴，而且呢到既似係自家製，同出面響鈴既外表好唔同😛口感亦非常酥脆👍🏿3⃣嫩鴨血(半份) $28呢到既鴨血唔會一夾就爛，但口感好嫩滑，配上醬料食好滋味😋而且好like餐廳有半份既size，岩哂少人聚會。4⃣手打陳皮牛滑 $48一食落口覺得簡直係彈牙版既牛肉球，有微微陳皮同芫荽味，牛肉球愛好者必叫🤣不過38覺得用嚟落牛肉支木棒唔多好用，都係平時用開既陶瓷/膠棒更好用，無咁痴住。5⃣百花釀油條 $48呢個名好靚既菜式其實係將 預先醃好咗嘅蝦滑釀喺一開二既油炸鬼裏
1⃣招牌香辣雞煲(半隻) $115
呢到既雞煲可以揀冰鮮雞同走地雞，但其實冰鮮雞同新鮮雞既營養價值差不多，38就揀左價錢比較平既冰鮮雞。
另外呢到雞煲都有好幾款，38揀左比較少見既濕雞煲，即係直接有湯係煲入面，而唔係乾身既雞件。好處係唔洗一次過食哂啲雞先食配料，而係可以一啖雞一啖配料😆相隔住食無咁易漏。
辣度方面揀左小辣，老實講38係覺得唔辣既🤣但湯底本身都幾夠味，比起乾身款既清啲。雞件砍得比較細件，口感嫩滑，脂肪唔算多，但無左38最愛既雞腳🥺如果有埋就好啦..
2⃣炸響鈴 $18
餐廳即叫即炸響鈴，而且呢到既似係自家製，同出面響鈴既外表好唔同😛口感亦非常酥脆👍🏿
3⃣嫩鴨血(半份) $28
呢到既鴨血唔會一夾就爛，但口感好嫩滑，配上醬料食好滋味😋而且好like餐廳有半份既size，岩哂少人聚會。
4⃣手打陳皮牛滑 $48
一食落口覺得簡直係彈牙版既牛肉球，有微微陳皮同芫荽味，牛肉球愛好者必叫🤣不過38覺得用嚟落牛肉支木棒唔多好用，都係平時用開既陶瓷/膠棒更好用，無咁痴住。
5⃣百花釀油條 $48
呢個名好靚既菜式其實係將 預先醃好咗嘅蝦滑釀喺一開二既油炸鬼裏面，38會係煮個時將蝦滑個面向湯，避免油炸鬼吸入過多湯而變得太淋。蝦滑非常彈牙鮮味，同油炸鬼都配合得幾有趣，大家不妨試試😋
6⃣美國桶蠔4粒 $76
$76呢個價錢係餐廳食到桶蠔簡直係超值！其實餐廳仲有另一款貴一倍左右既桶蠔，但38得兩個人就食呢款算了😌桶蠔size唔算細，而且入口一啲都無腥臭味，唔沾任何醬汁都好有鮮味😍
7⃣冰豆腐 $24
呢款係38每次火鍋必食既吸湯配料， 冰豆腐又稱蜂巢豆腐，每次都可以完美咁將湯吸到成嚿豆腐都變得好飽滿💖
8⃣蝦子麵2個 $25
蝦子麵望落細細個，但其實煮熟後份量好多，食落有蝦子味，無需沾任何調味料都輕鬆一人KO一個😆
9⃣大龍鳳可樂 $36
其實即係咸柑桔檸檬可樂，好岩打邊爐既時候飲，而且500ml勁gur呀😏
推薦度：7.5/10
🏠太子基隆街11號地下
🕐Mon-Sun 18:00-03:00
張貼
