源記餐廳

營業中

休息中

今日同富貴靚太朋友出尖沙嘴購物，行街行到肚餓，朋友好想食燒鵝，於The One 對面源記有燒味吃，也有茶記特色食品，一於嘆返杯熱鴛鴦。下午茶都抵食，三文治、多士、熱狗、雞翼、薯條、炒粉麵、燒味飯等等，種類多不勝數，應有盡有。燒鵝(例牌)~好大碟啊！賣相已經好吸引，鵝皮香脆可口，鵝肉入味，越食越滋味，自家師傅燒製，係唔同啲。店員好細心，這麽大碟鵝，給我們兩碟酸梅醬。星洲炒米~店員介紹這店粉麵是即叫即炒，熱辣辣，蝦仁大隻又爽口，炒得有技巧，一點也不覺得油膩。跟餐熱鴛鴦，keep到水準，既有香香咖啡味，也有濃濃茶味，唔落糖一樣好飲。臨走時發現入門口轉左係熱點，八卦問下店員，晚市時間有火鍋供應。