北方餃子源 (榮華商業大廈) (已結業)

落大雨，銅鑼灣食野度度都貴，南記又覺得麻麻地，好彩係Openrice搵到呢間餃子店，一聽到餃子兩個字已經食指大動，即刻走去食！去到可能因為落雨關係，仲有好多位淨，大約6成滿。與其他餃子小店不同，店員很多，服務很週到。牛肉碎味道很出，麵條彈牙得黎吸哂湯的精華，每一啖都係花生既香味！一般擔擔麵會配花生同醃菜，北方餃子源則配黃豆，可以清一清牛味的霸道，對比起花生既脆卜卜，咬落去粉粉地既黃豆同麵條更夾，有口感得黎，又唔會太寡，再帶少少辣味，過癮！對比擔擔麵，餃子麵的湯底清得多，更突顯餃子既鮮味，麵條較粗，麵質比較粉，我比較愛擔擔麵既麵質餃子配以蒜泥、醋、鼓油混調而成的醬汁，牛的霸道稍被蒜泥馴服。本身仲叫左鮮肉露荀飽貝餃，因為好快就食哂既關係，無影到相，貝鮑為超細粒鮑魚仔，配嫩口露荀，完全無腥味，特別愛露荀既口感，清新得黎，唔會好似荸薺咁爽，同餡料好夾，又一特別、清新之選！