旅鍋火鍋私房菜專門店 (已結業)

第一次去玩味重嘅火鍋店，成間舖裝修都係以機場、登機作主題，相信火鍋店老闆係好鐘意去旅行🤓 餐廳係地庫，所以環境地方都大。有4間大房可以邀約朋友聚會食物方面，湯底款式都有好幾款選擇，邊爐配料仲多，炸物小食、生猛海鮮、手打丸滑、手切牛肉等… 依加手切牛做緊半價，一定嗌！！一坐底，職員攞咗碟花生小食比我哋等住出菜，又有醬料盤混醬深海花膠濃湯鮮雞鍋 （半隻）$298先嚟花膠仔同熟雞件加幾粒紅棗杞子，份量都多，再慢慢倒上滾熱辣濃雞湯。第一嚟先試湯，濃郁嘅雞湯，飲得出熬咗好耐，唔似味精湯，感覺幾養生👍🏻雞肉同花膠都好淋新鮮手切牛頸脊$199牛肉份量多，色澤都靚鮮紅色，牛頸脊帶少少脂肪所以入口質感柔軟，好重牛味，肉食者要試🐮新鮮手切嫩牛肉$74主要都係瘦肉為主，質感比較爽口同嚡，肉味係比下去。但再睇埋個價錢係唔錯，平食嘅話可以揀佢。羊肚菌墨魚丸 （半份）$58成個冬甩🍩好得意，咪睇佢中間有個洞洞空心，其實都好厚肉。墨魚味濃，好彈牙👍🏻羊肚菌眼見係有，但唔知咩味，唔覺佢有味😹😹XO醬鮑魚鮮蝦餃 （半份）$58餃子皮薄，多，幾大粒。咬落啖啖肉，除咗有豬肉。真係有蝦仁同鮑魚粒，名符其實👍🏻好特別娃娃菜$3