噢吧煲煲掂

營業中

休息中

自己真係好耐冇食過煲仔飯，因為喺附近屋企附近好難搵到。今次經過太子，見到呢一間煲仔飯店，未食晚餐就嚟哩度試下吧！叫咗1個秘制乳鴿煲仔飯，一碟油菜。煲仔飯非常之新鮮，即叫即焗，上到嚟嘅時候熱辣辣，打開蓋有驚喜！上面都係滿滿肉質鮮嫩嘅乳鴿肉，佢哋嘅調味啱啱好，老闆娘仲會好細心咁樣為你準備一支豉油。食煲仔飯，當然要食到落煲底，佢哋嘅焦香飯底真係好滿足。粒粒金黃香脆，食落去好脆口。油菜同樣唔馬虎，用嘅係西生菜，材料比較貴，可見小店嘅用心。老闆娘真係好親切。食得好舒服，就算係1個人嚟晚餐，都覺得好溫暖。送咗一碗餐湯，係自家製嘅紅蘿蔔老黃瓜豬骨湯。飲完唔口渴，就可以知道佢完全冇加味精。自家製用心小店，值得一試。