Shop9 Restaurant & Lounge (已結業)

‪好靚呀，一入到餐廳已經俾個酒吧台，悉心安排嘅燈飾，木同鐵製傢俬，令到我全程投入左呢個好溫暖嘅環境。呢度仲有一個好大嘅戶外用餐空間，我即刻就唸到可以約埋一大班朋友開派對。‬‪叫咗兩個晚餐一個係‬烤原條豬肋骨伴洋蔥圈，啲肋骨炆得好煙韌，而且離骨，好易食，甜甜地既BBQ非常之開胃。分量非常之大，兩個人都夠食，不過由於太好食，越食越開胃，真係非常之邪惡。另外叫咗西班牙吉列豬鞍漢堡伴薯條。豬鞍肉本身鮮嫩多汁，炸都唔會咁易老，再夾埋漢堡包一齊食，非常之好食。每一啖都慢慢嘆，比一般牛肉漢堡有過之而無不及。跟餐沙律都花咗唔少心思，除咗普通沙律菜之外，仲加左啲啲油浸既鹹魚調味，非常之特別同有驚喜。呢度其實主打既係手工啤酒，於是試左一款 Kasteel Hoppy 城堡酒花去啤酒，係一款淡愛爾蘭啤酒。好開心試到啲特別嘅啤酒，店員都悉心問我哋嘅喜好，再幫我地揀一隻適合嘅。今次第一次飲淡愛爾蘭啤酒，啲啤酒花嘅苦味，酒嘅香味，都好耳目一新。返工捱咁耐，唔飲返啲好嘢真係對唔住自己。最後食咗個每日轉款嘅跟餐甜品，今次就有芝士蛋糕為今餐畫上一個完美嘅句號。