翠苑甜品專家 (已結業)

今晚喺銅鑼灣行完街，食完飯，梗係要搵返間糖水食，完結咁美好嘅一日啦。行過景隆街，發現呢間中式糖水，我同朋友都係鍾意中式糖水多過西式糖水。入到去滿座咁劑，甘啱有枱食完賣單，我哋先有位乍。見到Menu全部都係啲大路嘅傳統中式糖水，我就嗌咗個桑寄生紅棗蓮子蛋茶，朋友就嗌咗薑汁燉奶同府足蛋糖水。我碗桑寄生蛋茶一上枱熱辣辣，即刻飲一啖，好好味呀，仲好味過旺角間浩記，碗底有好多粒蓮子，我諗有20粒，真係好足料，至於我朋友碗薑汁燉奶就好一般冇乜薑汁味，不過碗府足蛋糖水都不錯呀！