吉野家 (已結業)

真係慘，成3點先食晏，正值吉野家下午茶時段。下午茶時段都幾多選擇，有牛或雞、烏冬或飯，而家仲有溫泉蛋系列。要了雞粒溫泉蛋掛烏冬，配麻醬, $23.9。上次食過掛烏冬，不過上次食，d烏冬係暖暖，溫溫吞吞嘅。今次就真係夠凍，又夠彈牙，仲有蘿蔔絲、青瓜粒同粟米，夠晒清新。溫泉蛋同烏冬可以話完全無關係，因為係分開上，所以蛋還蛋、烏冬還烏冬。溫泉蛋煮得剛好，個黃真係好流心。雞粒一貫正常味道；個麻醬好香，味濃，又夠多，足以撈勻成碗烏冬，好味。