影片
更多
2022-11-27
854 瀏覽
下午黎到位於北角嘅鐵花村醫肚。上餐期間，同店員吹水先知，原來舖頭個名有段故。係台東有個地方叫鐵花村，每逢星期日就會有火車經過，聚集咗一班音樂人同藝術工作者。老闆娘希望餐廳能夠成為客人相聚嘅地方，因此將餐廳命名為鐵花村，好有詩意。店舖天花掛滿咗天燈，牆壁仲畫左台東地圖，極具特色。我哋兩個人點咗一份松露起士蛋餅，一碗台東米苔目，一碟蒜味台灣腸，一碗九份芋圓同一杯奶蓋洛神烏龍。台式蛋餅就食得多啦，但加入松露就真係第一次見。 每口蛋餅都係滿滿嘅芝士同埋松露味，非常惹味。台東米苔目有少少似銀針粉， 加入少量粗嘅芽菜，肉碎， 木魚， 半隻鹵水蛋同埋肉丸， 食落幾爽口， 湯底味道較為清淡。切咗片嘅台灣腸同埋蒜片兩者配合起來蒜香中又帶點辛辣， 鍾意食蒜嘅朋友一定唔可以錯過。九份芋圓裏面有少量紅豆， 黑涼粉 ，配以一啲小型嘅黑珍珠 ，同埋三色嘅芋圓，口感好豐富。 三色芋圓食得出質感有分別，唔只係換左隻顏色咁簡單， 白色嘅芋圓較易咬開，相對冇咁煙韌， 帶有微微嘅芋香味。 黃色同紫色都較為煙韌， 帶有蕃薯紫薯味。餐後同店員傾下計，先知老闆娘同師傅都係台灣人。部分選用嘅食材特地係台灣空運過黎。好似關山炸臭豆腐
上餐期間，同店員吹水先知，原來舖頭個名有段故。係台東有個地方叫鐵花村，每逢星期日就會有火車經過，聚集咗一班音樂人同藝術工作者。老闆娘希望餐廳能夠成為客人相聚嘅地方，因此將餐廳命名為鐵花村，好有詩意。店舖天花掛滿咗天燈，牆壁仲畫左台東地圖，極具特色。
我哋兩個人點咗一份松露起士蛋餅，一碗台東米苔目，一碟蒜味台灣腸，一碗九份芋圓同一杯奶蓋洛神烏龍。
台式蛋餅就食得多啦，但加入松露就真係第一次見。 每口蛋餅都係滿滿嘅芝士同埋松露味，非常惹味。
台東米苔目有少少似銀針粉， 加入少量粗嘅芽菜，肉碎， 木魚， 半隻鹵水蛋同埋肉丸， 食落幾爽口， 湯底味道較為清淡。
切咗片嘅台灣腸同埋蒜片兩者配合起來蒜香中又帶點辛辣， 鍾意食蒜嘅朋友一定唔可以錯過。
九份芋圓裏面有少量紅豆， 黑涼粉 ，配以一啲小型嘅黑珍珠 ，同埋三色嘅芋圓，口感好豐富。 三色芋圓食得出質感有分別，唔只係換左隻顏色咁簡單， 白色嘅芋圓較易咬開，相對冇咁煙韌， 帶有微微嘅芋香味。 黃色同紫色都較為煙韌， 帶有蕃薯紫薯味。
餐後同店員傾下計，先知老闆娘同師傅都係台灣人。部分選用嘅食材特地係台灣空運過黎。好似關山炸臭豆腐咁， 餐廳特登喺台灣購入高麗菜， 製作成泡菜，為香港朋友仔帶黎台灣嘅味道。 餐廳嚟緊12月會改餐牌， 到時會有新嘅菜式，好似牛肉麵同埋鹽酥雞蛋餅咁， 12月一定會過嚟再試下新菜式。
張貼
