叁嘗 (已結業)

今日同前同事食飯，佢住係天后，介紹咗佢認為天后最抵食嘅餐廳，就係叁嘗啦！餐廳比較細，只要四五枱座位，但唔會話好迫。- 香辣白酒煮蜆扁意粉蜆肉唔算太大隻，但勝在內質肥美，加入白酒辣椒可謂完美配搭，不過個人認為扁意粉太硬身。- 香煎鱸魚配白酒忌廉汁外皮煎到金黃色，肉質滑溜，魚肉味道比較淡，配上忌廉汁非常合適。配菜有薯仔、蕃茄等等。- 叁嘗卷賣相十足太極圖，一邊係原味沙律醬，另一邊係辣味沙律醬。餐廳用左綠色豆紙取代紫菜作為外皮，卷物唔會容易散開。入面有吞拿魚、炸蝦同牛油果，味道和諧豐富。- 比利時窩夫雪糕雪糕揀左豆腐口味，窩夫即叫即整，形狀係少見既圓形，口感外脆內軟，另外配上蜜糖，份量可以自行決定。整體而言，食物以叁嘗卷最有驚喜，另外服務幾好，上菜速度亦快👍🏻