北海道爐端燒 (已結業)

朋友仔約食飯，約在尖沙咀一間居酒屋，都幾溫馨。臨入門口仲比我見到午市的Menu，選擇好多。遲到的我永遠都好有福氣，一去到就見到滿枱的食物。最先吸引到我的絕對係串燒，種類夠晒多。牛舌爽口又多汁，超美味。雞肉大蔥卷就夠晒健康。墨魚鬚香口又有咬口，好惹味。炸物亦唔簡單，粒粒的墨魚咀炸到脆一脆加上檸檬汁，別有一番風味。燒魚的賣相好靚。牛仔骨就份量取勝。食咗咁多熱氣野，來一個清酒煮蜆，比大家沈澱一下味蕾。朋友仔亦很貼心，點左我最愛的玉子燒。又軟又嫩的玉子裡便湧出滿滿芝士同明太子，超正！飲飽食醉，作為健康寶寶，青菜瓜果當然不能少。