祥仔辣辣 (海運大廈) (已結業)

這間位於海港城LCX的祥仔辣辣，睇招牌都知以辣為主題，仲諗緊祥仔係黎耀祥定阮兆祥，原來係近期經常亮相電視台飲食節目的名廚Ricky張錦祥。.溫馨提示: 餐廳可使用海港城Dinning B Coupon，每$100消費可減$50；但要留意，使用海港城現金卷不可同時享用會員優惠，連餐飲都需以正價計算。鮮辣水煮魚 $138（會員價$108）配米線及特色三小碟，我選了麻辣豬耳，尖椒皮蛋及雲南白切肉。小食幾好食，豬耳爽口，白切肉唔會太肥，皮蛋得兩啖唔係好夠喉。平時食水煮魚見到一盆油浸辣椒，呢個反而只有辣椒碎，但都有辣味，米線索味啲，後勁幾辣幾過癮。而且魚片大大塊，無骨嫩滑，正！辣辣去骨海南雞飯 $108無骨海南雞份量都算多，肉質夠嫩，油飯都好味，最特別係個醬料，除左一般甜醬油，薑蓉及辣醬，仲有個醬好似麻辣鮮露，同個雞幾夾。另外叫左兩杯特飲，奶茶紅豆冰 $38 海鹽柚子樂 $38，味道唔錯但半杯冰就多左啲。