薯仔屋 (已結業)

之前有朋友推介過呢間餐廳，咁岩黎開附近就上左黎食。一入到去餐廳氣氛好和諧，好舒服，入要有好可愛既小免子仲有唔同既小動物，d動物真係好得意，雖然呢到有小動物，但係店員都好用心打理，環境都好衛生！值得一讚！我同朋友就叫左個二人餐，呢個芝士蒜蓉包焗得好脆，唔算好乾身，蒜味好香好濃。而吞拿魚長通粉沙律既味道適中，吞拿魚味亦好重。薯仔屋蜜汁雞翼煮得好好，大大隻好大份，蜜汁味甜得黎好香，唔會只係得甜味，仲會食到雞翼既肉香味，雞翼肉質好鮮嫩，十分有口感。呢個醬燒豬仔全骨配肉醬薯仔屋鋪天薯條真係不得了，不愧係得獎菜式，肉質好林，仍然保持到口感，切開後一條一條食，每一條都啖啖肉，加上秘製醬汁，真係好好食。而薯條都令人喜出望外，薯條不只炸得好香脆，而份量亦好夠，好足料既肉醬再加埋配菜，香口得黎亦可以中和味道。呢個米蘭肉醬蕃茄焗千層麵有中上水準，好有口感，好足料，有一層層既千層麵，食落好滋味。我個人好鐘意花茶，所以就叫左個薰衣草花茶，有淡淡既花香味，好正！呢到有好多唔同既board game同書，真係想做咩都得，之後有機會都要約埋d fd再黎！